الجمعة، 31 مايو، 2013

صورة





الصورة دى معبرة جدا ... هو ليه اللى عنده هدف ما بيعرفش يصوب عليه ... هو ليه بيغمض عينيه وكأنه خايف انه يشوفه ... خايف ما يوصلش!!... هو ليه الناس واثقة ومتأكدة كده انه عمره ما هيعرف يجيبه ... محاولاته كلها تبوء بالفشل بل واحيانا تزداد سوءا ... تخبط اماكن كتير مالهاش لازمة ولا صلة بالهدف اصلا ... هو ليه حواليه ناس واقفة مستنية هيوصل ولا لأ ... وكأن محاولاتهم متوقفة على نجاحه من فشله !!!

كل مشاهد الصورة متفقة على حماقته ... حاجة واحدة بس فيها هى اللى غريبة ... انه لسه بيضحك ... انه رغم كل الفشل ده لسه بيجرب ... شايف هدفه وعارفه فين ... لسه واقف على رجله وواثق انه هيعملها فى يوم من الأيام !!!

لو لاحظت ان كلمة (بوينج) اكبر حاجة فى الصورة ... اللى متصدرة المشهد والوحيدة اللى بتتحرك وسط عناصر ساكنة من كل ناحية ... حتى كلمة (تمت) انزوت وخفتت حدتها المعروفة فى انهاء اى مشهد وكأن اللى قرر يكتبها ماكانش واثق انه عايز ينهي المحاولة بالفعل ...

يمكن لو كان صبر سهم واحد كمان ...

كان ممكن تتغير الصورة ازاى !!!

0 التعليقات: